Liebesgedicht

Ich wür alles für dich machä zum dich glücklich gseh
Für dis wundervollä Lachä schänk ich dir d’Wält und meh

Ich druckä d’Wulchä uus, demit du tanzä chasch im Rägä
Ich gib dä Erdä en feschtä Schupf, demit dis Gsicht in Wind chasch hebä
Ich gang go d’Sunä butzä, demit sie für dich heller schiint
und büügä usem Rägebogä ä gspacti Rutschbahn für dich

Ich pflück dir d’Sternä vom Himmel
und leg en Funkel-Gartä aa
Und wänn du durä spaziersch
strahlts dich vo allnä Siitä aa
Und doch gits nüt im ganzä All
wo so schön strahlt wiä du
Mis Herz verspringt mer i dä Bruscht
so wunderschön bisch du

Und wänn du eimal truurig bisch
und dis Herz i Stückli bricht
dänn sammli ali Scherbä ii
und mach drus s’schönschtä Mosaik
Riiss mis Herz uus und setzes bi dir ii
Ich wür alles gää für dich
au wäni druff gan debi

Ich pflück dir d’Sternä vom Himmel...

A öppis glaubi ganz fesch dra
Liebi macht alles wahr
Drum wünsch ich mir es Läbä mit dir
Am liebschtä grad es paar :)